'n Kruiskulturele ondersoek van die kognitiewe prosesse ná 'n sportbesering
Loading...
Date
2001-11
Authors
Stanley, Ibet Liezel
Journal Title
Journal ISSN
Volume Title
Publisher
University of the Free State
Abstract
Hierdie navorsmg het ten doel gehad om kennis aangaande kulturaliteit in die
sportsielkunde uit te brei en kognisies tydens rehabilitasie van 'n sportbesering te
ondersoek. Sportpersone se kognitiewe ervaringe blyk onderling te verskil.
Toetslinge van verskillende ouderdomme, geslagte, kultuuragtergronde en sportsoorte
is by die studie betrek. Kultuurgroepe wat by die studie ingesluit is, was swart-, witen
bruin sportpersone. Toetslinge het onderskeidelik deelgeneem op provinsiale-,
nasionale- en internasionale vlak van kompetisies. Toetslinge kon vir 'n minimum van
twee maande nie aan hul sportsoorte deelneem nie as gevolg van hul sportbeserings.
Daar is tydens 'n loodsstudie gebruik gemaak van 'n gestruktureerde vraelys. Hierdie
vraelys het egter die invordering van data beperk en is daarom slegs ontwikkel en
gefinaliseer as 'n semi-gestruktureerde onderhoudsgids. Onderhoude is dan met
behulp van hierdie onderhoudsgids gevoer. Onderhoudsvrae was daarop gemik om 'n
beskrywing van sportpersone se kognisies tydens rehabilitasie uit te lok. Die volgende
kognitiewe prosesse is ondersoek:
• Hanteringsmeganismes
• Kognisies
• Pynervaring
• Vrae
• Bekommernisse
Bandopnames is van die onderhoude geneem en dit is getranskribeer na getikte vorm.
Die inligting is hierna deur die QSR NUD*IST - rekenaarprogram gekodeer en
geanaliseer. Hierdie rekenaarprogram is spesifiek ontwerp om kwalitatiewe dataverwerking
te behartig. Die betroubaarheid is deur die proses van triangulasie
verhoog, waar 'n tweede analiseerder by die data-ontledings betrek is. Verskille is
bespreek totdat konsensus tussen die analiseerders bereik is.
Sportpersone se kognitiewe ervaringe tydens rehabilitasie ná 'n sportbesering blyk
individueel te wees. Kultuurspesifieke kognisies is nie deur die studie geïdentifiseer
nie. Sportpersone se pynervaring blyk 'n individuele ervaring te wees waarop elkeen
verskillend reageer. Sportpersone het ook verskeie verklarings vir hul pynervarings
aan die hand gedoen. Hanteringsmeganismes wat sportpersone aangewend het tydens
rehabilitasie is geïdentifiseer. Verder is die vrae en bekommernisse waarmee
sportpersone tydens rehabilitasie gekonfronteer word, geïdentifiseer.
Die doelwit van die navorsing is bereik deurdat kognitiewe prosesse van sportpersone
geïdentifiseer is en bydraes gelewer is met betrekking tot kulturaliteit in die
sportsielkunde.
Description
Keywords
Sports injuries -- Psychological aspects, Athletes -- Rehabilitation, Dissertation (M.Soc.Sc. (Psychology))--University of the Free State, 2001