Ontwikkeling van die stelsel van plaaslike regering en administrasie van Richardsbaai
Loading...
Date
1983-12
Authors
Truter, Jacob Petrus Johannes
Journal Title
Journal ISSN
Volume Title
Publisher
University of the Free State
Abstract
Afrikaans: Met hierdie verhandeling is beoog om:
- die eksterne faktore wat die aanpassing van die stelsel van
plaaslike regering en administrasie vir die dorp
Richardsbaai beïnvloed het, uiteen te sit;
- die unieKe reëlings wat vir die plaaslike regering van die
dorp getref is, te beskryf;
- die organisatoriese reëlings wat die Dorpsraad moes tref om
te voldoen aan die vereistes wat die ontwikkeling van die
dorp gestel het, te ontleed;
- vas te stel hoe te werk gegaan is om met verloop van tyd 'n
stesel van personeeladministrasie te ontwikkel; en
- die uitsonderlike maatreëls wat as gevolg van
eiesoortige omstandighede vir die finansiering van
die dorp gestel is, te beskryf.
Politieke en ekonomiese faktore het tot die vestiging van 'n
nuwe hawe te Richardsbaai aanleiding gegee. Die ontwikkeling
van 'n hawe was egter nie die enigste oogmerk van die Sentrale
Regering nie. Die projek moes ook die weg baan na
grootskaalse nywerheids- en stedelike groei. Vir die eerste
keer in die staatkundige geskiedenis van Suid-Afrika sou die
Sentrale Regering 'n nuwe stad beplan, ontwikkel en finansier.
Die koers waarteen Richardsbaai sou ontwikkel, het vereis dat
'n geskikte stelsel van plaaslike regering ingestel moes word.
Deur bemiddeling van ooreenkomste tussen die belanghebbende
owerheidsinstansies op sentrale, provinsiale en plaaslike
vlakke is daarin geslaag om 'n dorpsraad daar te stel wat nie
slegs uniek in sy samesteiling was nie, maar wat, ook op 'n
spesiale wyse met bevoegdhede beklee is wat by sy taak gepas
het.
Die Administrateur van Natal het met ingang van 10 Junie 1969
'n dorpsraad bestaande uit sewe lede vir Richardsbaai ingestel,
en die voorsitter en lede daarvan benoem.
Dit het spoedig geblyk dat die bevoegdhede waaroor die nuut
aangestelde Ordonnansie beskik het, Dorpsraad van Richardsbaai
op Plaaslike Bestuur, 1942 nie voldoende was om ingevolge die Natal
(Ord. 21 van 1942), die ontwikkelingstaak effektief te kon behartig nie. Onderhandelinge tussen die Dorpsraad en die Natal Provinsiale Administrasie het daartoe
gelei dat voornoemde Ordonnansie paslik gewysig is. Hierdeur
het die Dorpsraad spesiale bevoegdhede bekom wat hom in staat
gestel het om sy taak uit te voer.
Voornoemde uitsonderlike reëlings wat getref is om 'n stelsel
van plaaslike regering en administrasie vir Richardsbaai te ontwikkel, beklemtoon
die noodsaaklikheid om soms
onkonvensioneel en innovatief te werk te gaan om
ontwikkelingsdoelwitte te bereik. Gevestigde praktyk is dus
nie toegelaat om die bevordering van die algemene welsyn te
strem nie.
Die ontwikkeling van Richardsbaai het ook die noodsaaklikheid vir
soepelheid in die provinsiale owerhede se beleid vir
plaaslike regering en administrasie opnuut na vore gebring.
Die Dorpsraad het afdelings en departemente geskep om sy
doelstellings te bereik. Die organisatoriese reëlings is van
tyd tot tyd aangepas om by die plaaslike omstandighede en
behoeftes aan te pas. Paslike reëlings is ook getref vir die
behartiging van personeelaangeleenthede.
Die Sentrale Regering het die Dorpsraad op 'n unieke wyse
gefinansier. Lenings is aan die Dorpsraad toegestaan.
Die lenings tesame met gekapitaliseerde rente moes onderworpe aan
bepaalde voorwaardes op voorafbepaalde datums aan die Sentrale
Regering terugbetaal word.
Ekonomiese en politieke oorwegings het veroorsaak dat die dorp
Richardsbaai nie teen die verwagte koers kon ontwikkel nie.
As gevolg hiervan kon die Dorpsraad nie die leningskuld
teenoor die Sentrale Regering aflos nie. 'n Beroep op die
Sentrale Regering om direkte finansiële verantwoordelikheid te
aanvaar, is deur laasgenoemde erken. Sodoende het die
Sentrale Regering en die Dorpsraad gesamentlik
verantwoordelikheid vir die finansiering en die ontwikkeling
van die dorp Richardsbaai aanvaar.
Die Ontwikkeling van die stelsel van plaaslike regering
administiasie van Richardsbaai het die les geleer dat
bestaande instellings en administratiewe reëlings nie summier
oorboord gegooi moet word nie, maar met verbeeldingskrag by
veranderde en veranderende omstandighede aangepas kan word.
Hierdeur is 'n voorbeeld gestel wat in vergelykbare
omstandighede navolgingswaardig kan wees.
Description
Keywords
Dissertation (M.Admin. (State and Municipal Administration))--University of the Free State, 1983, Local government -- South Africa -- Richards Bay