'n Kritiese evaluering van onderwyspraktikumstelsels by residensiële onderwyserskolleges vir blankes in Natal
Loading...
Files
Date
1980-11
Authors
Kock, Alexander Hendrik
Journal Title
Journal ISSN
Volume Title
Publisher
University of the Free State
Abstract
Afrikaans: Hierdie studie handeloor onderwyspraktikum by Natalse residensiële kolleges. In hoofstuk een word 'n literatuurstudie as
basis gebruik om probleme in verband met onderwyspraktikum te
identifiseer en om kategorieë te ontwerp vir die ordening van
doelstellings. Die doel is dan om die situasie in Natal te
meet aan die inligting wat uit die literatuurstudie blyk. Verder
word 'n aantal begrippe omskryf ten einde semantiese misverstande
te voorkom.
Hoofstuk twee word gewy aan 'n beskrywing van die praktikumstelsels
by die drie onderhawige kolleges, nl. die Natal Training
College, die Durbanse Onderwyskollege en die Edgewood College of
Education. In elke geval word die geskiedenis kortliks nagegaan,
daarna word die huidige opset indringend bespreek en laastens
word In blik op die toekoms gewerp.
In hoofstuk drie word die stelsel by elke kollege noukeurig ontleed
met behulp van gegewens wat verskaf is deur vierdejaarstudente,
praktikumdosente en hoofde van meewerkende skole. Die
gegewens is verkry met behulp van vraelyste wat in die Bylae
opgeneem is. Die belangrikste gevolgtrekkings waartoe geraak
word, is die volgende:
1. Die organisasie van die praktikumstelsels gee aanleiding
tot probleme.
2. Die belangrikste probleme het te doen met die duur van
die sessies, oorlading van skole, kunsmatigheid van veral
die evalueringsituasie en die antipatie wat tussen skole
en kolleges heers.
3. Nieteenstaande hierdie probleme, staan die meeste betrokkenes
positief teenoor die stelsel en word deurlopende
onderwyspraktikum aanvaar as die beste metode om praktiese
ervaring op te doen.
In hoofstuk vier word die volgende uitgangspunte by die ontwerp
van In ideale stelsel gestel.
1. Onderwyspraktikum vorm In deel van onderwysersopleiding.
2. Voorskrifte van die Kriteria ten opsigte van die totale
duur van die praktikum, moet nagekom word.
3. Simulasietegnieke het In kernbelangrike rol in onderwysersopleiding.
4. Die doelstellings wat geidentifiseer is, is geldig en hulle
verwesenliking sal uiteindelik geld as toets vir die doeltreffendheid
van die stelsel.
5. Die skool moet in volle vennootskap staan met die kollege.
Die ideale stelsel van praktikum wat voorgestaan word, behels
die "Woensdagoggendstelsel" vir eerstejaars en deurlopende
praktikumsessies vir seniors. Die rol van die praktikumdosent,
die skoolhoof en die onderwyser word omskryf en klem word gelê
op die gebruik van simulasietegnieke - ook vir remediëring.
Ten besluite word In aantal aanbevelings gedoen ter afronding
van die ideale stelsel.
1. Herbesinning oor doelstellings met die oog op die identifikasie
van opleidingsdoelwitte, is wenslik.
2. Die gebruik van simulasietegnieke moet uitgebrei en intensief
bestudeer word.
3. Evalueringstegnieke moet met die oog op verbetering voortdurend
bestudeer word.
4. Daar moet voorsiening gemaak word vir remediërende werk op
georganiseerde skaal.
5. Studente wat nie aan die minimum-vereistes ten opsigte van
praktikum voldoen nie, behoort uitgeskakel te word.
6. Skoolhoofde moet opgelei word vir die belangrike rol wat
hulle moet vervul. In Komitee van skoolhoofde moet die
Kollege-senaat adviseer in verband met onderwyspraktikum.
7. Onderwysers wat betrokke is by praktikum, moet gekeur en
opgelei word vir hulle taak.
8. Praktikumdosente moet gekeur en opgelei word. Voorkeur
moet verleen word aan vakspesialiste (vir praktikumleiding
- veral vir evaluering) bo algemene praktikumdosente.
9. Die totale praktikumtydperk moet eweredig versprei wees
oor die totale kursus. Sessies moet aaneenlopend wees en
vir verskillende jaargroepe versprei word oor die akademiese
jaar. Slegs een student moet in elke klas (of by
elke onderwyser) geplaas word, maar eerstejaars kan voordeel
trek indien hulle twee-twee geplaas word. Plasing
van In student by In bepaalde onderwyser moet met groot
omsigtigheid geskied.
10. Skole moet verantwoordelikheid aanvaar vir geprogrammeerde
opleiding in algemene skooladministrasie.
11. Gedurende praktikumsessies moet studente volledig inskakel
by die skoolprogram - ook ten opsigte van buite-kurrikulêre
werk.
12. Dosente moet in noue voeling bly met inspekteurs en vakadviseurs.
13. Die hoof en sy personeel het In besondere verantwoordelikheid
teenoor In onderwyser in sy eerste diensjaar.
Description
Keywords
Teachers -- In-service training -- South Africa, Universities and colleges -- South Africa, Student teachers -- South Africa -- Natal, Education -- South Africa, Dissertation (M.Ed. (Didactic Pedagogics))--University of the Free State, 1980